М э т а: садзейнічаць асэнсаванню вучнямі трагічнага зместу твора, усведамленню жахлівай праўды і вынікаў мінулай вайны.

З а д а ч ы: зацікавіць асобай паэта, пазнаёміць з некаторымі звесткамі з яго жыцця і творчасці; асэнсаваць тэму і ідэю верша, вызначыць яго мастацкія асаблівасці, узбагачаць слоўнікавы запас шасцікласнікаў, развіваць іх звязнае маўленне; садзейнічаць выхаванню памяці пра мінулае роднага краю, падзеі Вялікай Айчыннай вайны; абуджаць пачуццё адказнасці за будучыню сваёй Радзімы.

А б с т а л я в а н н е: вучэб. дапам. па беларус. літаратуры для 6-га кл. (2022), партрэт Аркадзя Куляшова, выстава зборнікаў паэта, карта спаленых вёсак Беларусі (выяву вялікага памеру гл. па (QR-кодзе).

​

Э п і г р а ф:

Дрэвы забылі пра буры і страты,

Раны свае загаіла зямля.

Толькі нічога забыць не змагла ты,

Памяць мая!..

Максім Танк.

 

Х о д  у р о к а

 

• Арганізацыйны момант.

• Праверка дамашняга задання.

• Засваенне новых ведаў.

 

1. Слова настаўніка.

Н а с т а ў н і к. Сёння мы будзем вывучаць верш класіка беларускай літаратуры. Цікавы факт: бацька яго меў далёкія італьянскія карані, прадзед – сын арганіста-італьянца.

Ён працаваў па 16 гадзін у суткі і прывык да такога рытму жыцця. Паэтычныя радкі выспявалі ў одуме. Запісваў іх толькі тады, калі верш прыйшоў цалкам. Тады садзіўся за машынку і друкаваў яго тэкст. Пасля сябе пакінуў каля 30 кніг паэзіі.

Паэт меў дачыненне да развіцця беларускага кіно: быў галоўным рэдактарам кінастудыі «Беларусьфільм», удзельнічаў у напісанні і стварэнні сцэнарыяў кінафільмаў «Чырвонае лісце», «Першыя выпрабаванні», «Запомнім гэты дзень».

Каб даведацца, пра каго ідзе гаворка, неабходна разгадаць рэбус, у якім зашыфравана прозвішча паэта.

​